訊息分享

咁缺人手嘅物理治療師究竟係咩黎？邊度讀最着數？

專業科目介紹 – 物理治療 (Physiotherapy) 香港人口老化問題持續，醫療人手普遍出現短缺，物理治療師亦都唔例外。物理治療係靈活而多元化嘅專業。物理治療師採取全面嘅方法，融合解剖、生理、物理、病理、心理、人文學等各種科學理念，以綜合方法為健全或患病人士提供健康管理服務。物理治療以推廣身心健康、預防及治療傷病殘障為目標，並促進病者恢復生活自理能力，從而達至更佳嘅生活素質。物理治療係利用手法治療、電療以及運動治療等，令到服務使用者恢復身體機能正常運作，改善活動能力，重投正常生活。現時只有香港理工大學以及東華學院有開辦物理治療嘅學士學位課程，收生門檻相對較高，加上學額有限，每年競爭十分激烈，喺香港整個物理治療學士學位課程需時4年，有見及此，建議同學可以考慮去英國或者澳洲修讀物理治療，依兩個國家嘅物理治療課程收生分數相對地比香港低，整個課程需時3年 (英國) – 4年 (澳洲)，當獲得相關學位之後，因為英國同澳洲大學所提供嘅課程內容都係達到香港輔助醫療業條例要求，學生可以喺香港執業。物理治療課程要求同學必須修讀理科選修科，基本要求係最佳5科成績 22分以上、英文基本要求 IELTS 7.0 、部份大學要求通過面試。亦有院校提供由大學基礎班 (Foundation) 直接升讀物理治療學士學位課程。除此之外，同學亦都要有心理準備，因為物理治療師需要協助健全或患病人士供健康管理服務，所以對體力嘅要求亦都唔低。

 

留言板 姓名： 電郵： 標題： 內容： 驗證碼：